جرح القمر

منتدى يضم كل ماهو جديد
 
الرئيسيةالبوابةمكتبة الصورس .و .جالتسجيلدخول

شاطر | 
 

 أخاف من أعوفك بعد ما أشوفك

اذهب الى الأسفل 
كاتب الموضوعرسالة
مفحطه بسيكل
¨°•√♥ مشرف ♥√•°¨
¨°•√♥  مشرف ♥√•°¨
avatar

عدد الرسائل : 70
تاريخ التسجيل : 16/09/2008

مُساهمةموضوع: أخاف من أعوفك بعد ما أشوفك   الأحد فبراير 22, 2009 1:50 am

أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
يا عباس أختك آنا ولا تبارحني
چنت إنت التمسيني وتصبحني
فرگتك ذلتي شوفك يفرحني
كلام الشامت بفرگاك يجرحني
يا ريت الموت أخذ روحي ويريحني
إذا أنساك الله لا يسامحني
أخاف أشتكي لك وأعذب دليلك
وأريد بدموعي أبرد غليلك
تودعك دمعتي وأخاف برجعتي بعد ما أشوف
أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
أودعك يا يا ابن أبويه ولليسر أطلع
وأعوفك بدر غايب نوره بالمصرع
مثل جسمك توذر گلبي وتگطع
كلامي وياك صالته الدما مدمع
إذا أرجع يخويه إشراح أتوقع
إذا أرجع أشوفك بعد من أرجع
أباصر دليلي بسفرتي ورحيلي
گلت له عجيبه أفارگ كفيلي
على فگدك حسرتي وأخاف برجعتي بعد ما أشوفك
أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
أصيحن واليموت اشينفعه الصايح
اسكتت ودموعي جدول عالوجن سايح
غصب عني أعوفك والضعن رايح
بلا توديع أتركك عالنهر طايح
تعاتب لا تعاتب والعتب جارح
تودني واليود من شيمته يسامح
ضعنه برواحه يريد السماحه
تسير الضعينه بونين ونياحه
تنشدك مهجتي وأخاف برجعتي بعد ما أشوفك
أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
أنشدك لو مشيت بضعني واتيسر
تگدر تنهض تشد الضعن تگدر
إذا بسياطه خصمك يضرب الخدر
تگدر تحمي عيله وسايره بهالبر
إذا چتالك بمجلس شتم حيدر
تگدر تجي هناك تدافع وتحضر
إذا وگفونه بمجالس عدونه
حرم واحنه نسمع يشتمون أبونه
اشينشف عبرتي وأخاف برجعتي بعد ما أشوفك
أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
إذا مسبيه من يمك رحت ومشيت
عني ما گمت يا با الفضل حاميت
إذا مجلس دخلت وحايره ظليت
إذا حشمتك وللنخوه ما لبيت
العذر مقبول منك خويه لا ما جيت
اشلون تگوم وانت بس جسد ظليت
يا جمرة حنيني يعذرك ونيني
عسن مني گطعوا يساري ويميني
اشيرجع لهفتي وأخاف برجعتي بعد ما أشوفك
أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
اشخلت ساحة الطف خذت مني حيول
شحچي ويا النهر والسهم والعامود
فطر چبدي العطش من نار سهم الجود
إذا تسكن لحد أسكن يا خويه لحود
للطف يا ابن أبويه الضعن من يعود
أخافن ما أشوفك لو رجعت ردود
يطول غيابي وأجيك مصابي
إذا ما لگيتك تزيد عذابي
تهيج جمرتي وأخاف برجعتي بعد ماأشوفك
أخاف من أعوفك بعد ما أشوفك
إذا ما تجيني أقدر ظروفك
طويلة رحلتي وأخاف برجعتي بعد ما أشوفك
*************************************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أخاف من أعوفك بعد ما أشوفك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جرح القمر :: "°o.ღ♥ღ( الآقسام الترفيهيهـ )ღ♥ღ.o°" :: ღ..قسم الصوتيات و المرئيات الإسلامية ..ღ-
انتقل الى: